अनुभूति |
‘खालिपन’ मेरो जिन्दगीको एउटा हिस्सा हो ।
जिन्दगीमा खालिपन भयो भने धेरै सोंचिरहनु पर्दैन ।
यसकारण पनि म खालिपनलाई पालिरहेको छु ।
मानिसहरु ‘जोवन खालि भो’ भन्छन् ।
‘बैंक खाता खालि भो’ भन्छन् ।
तर तिनीहरु भन्दैनन् ‘म खालि भएँ ।’
मलाई त के हो कुन्नि ?
‘खालि छु’ भन्दा गर्व लाग्छ ।
तपाईंसंग केही नहुनु खालिपन हुँदै होइन ।
धेरै हुँदाहुँदै खालि भएजस्तो गर्नु पनि खालि पन होइन ।
त्यो त तपाईंको नाटकीय साँँघुरोपन हो ।
त्यो त तपाईंको मनको अम्लीयपन हो ।
यसो भनिरहँदा म ‘मेरो जीन्दगीको सबैभागमा खालिपन छ’ भनेर भनिरहेको भने पटक्कै छैन ।
म त ‘आधा खालि छु’ मात्रै भनिरहेछु ।
किनकि आधा खालि हुँदा आधा भरिनु जिन्दगीको नियम हो ।
जिज्ञासु जिन्दगीको परिचय हो ।
मलाई पूरा भरिनु छैन ।
यदि पूरा भरिएँ भने थप नयाँ केही भर्नलाई मसंग खालि ठाँउ नै रहन्न ।
म सम्पूर्ण हुन कहिल्यै चाहन्न।
किनकी मलाई अपूर्ण हुँदै विस्तारै अलिअलि पूर्णतामा जिउनुमा मज्जा लाग्छ ।
0 Comments