साँघुरो बाटो
साँघुरा मन
दैनन्दिनको व्यस्तता
बढ्दैछ झन्
यस्तै छ म लगायतको
शहरियापन ।
हिँड्दैछु बाटो
शहर र गल्ली
सुन्दैछु अनाथको
हल्लि र खल्ली
देख्दैछु तिनीहरुको
भएको विचल्ली।
मनमा त लाग्छ,
एकछिनलाई भएनी
तिनीहरु संगै भईदिऊँ
उनीहरुको पीडा
आफैले सहिदिऊँ
तर समस्या जति सबै तिनका
जिउँका तिउँ ।
सरकार सक्छौ भने
उनीहरुलाई
सुविधा सम्पन्न
आवास बनाईदेऊ
अवस्था सुधारिदेऊ
शिक्षा, स्वास्थ्य रोजगार सबै
व्यवस्था मिलाईदेऊ ।
0 Comments